涉聽審後跟蹤口靚模 官斥兩男促警跟進 性交轉運騙案 【明報專訊】19歲「口靚模」疑遭已婚茅山師傅誘騙性交案昨續審。法庭日前下令任何人士不得窺探事主容貌或身分，惟兩名在庭上旁聽的男子，被指前日散庭後跟蹤事主，昨遭法官當庭斥責，並指示警方跟進。

班麻甩佬真係好PK

口靚模與法師性交求轉運 稱被告堅持做9次 懷孕揭發 【明報專訊】19歲「口靚模」因星運平平，透過經理人介紹茅山法師，對方指口交及性交「法事」可助她改善運氣，口靚模原不欲繼續法事，但法師堅稱做足9次才能轉運，最後因珠胎暗結求助而揭發事件。法師昨日就9項以

究竟我應該同情事主既遭遇，定係話佢冇腦？

由於小弟居於偏處既屯門區，日常生活都少不免要搭巴士。經過幾年黎搭巴士既經驗，小弟將巴士上遇過最厭惡既情況，根據唔同既類別、厭惡程度由高至低羅列出黎，並道出當下我心裏面既反應，同大家分享一下。

注意：下文涉及粗鄙既言詞，可能會令人情緒不安，敬請留意

嗅覺類

• 屁神 - 三不五時就一個臭屁攻埋黎，就算有幾想訓都訓唔到，簡直囉命。最弊既兇手明明已經 o係 左近，但係偏偏就唔知係邊個，萬一畀人誤會係我既就真係水洗都唔清。我心裏面即時咒罵：「啊屌！邊條撚樣放屁呀？！」
• 煙鏟 - 小弟對煙除非常之抗拒，所以最怕有條煙鏟坐隔離。註：少量煙味我係接受到，但係陣煙除勁起上黎就真係難以忍受。試過見到有條煙鏟臨上車前要chur盡枝煙，結果坐左 o係 我隔離，無奈。內心反應：「頂你條死煙鏟快D肺癌死啦！」
• 口臭怪 - 唔開口由自可，一開口就臭到怨。真係好想破口大罵：「你條仆街maarg大個口把托咩！合撚埋你把死人口啦！」

觸覺類

• 郁身郁勢 - 有D人硬係坐唔定，郁身郁勢之時梗有幾野撞到你，訓著左都畀佢整醒。部份人訓唔著就起勢換姿勢，大佬呀，你訓唔著就點都訓唔著架啦！試晒《玉蒲團》D招式呀笨！(其實《玉蒲團》係唔係真係對呢D招式有詳盡既描述呢？就算有，如果係用古文寫既又會唔會睇唔明呢？)其他例子有翻報紙、全程摷手袋等，總之就成個千手觀音咁。
• 過山車 - 有D司機舒麥加上身，加速、減速、切線都離心力十足，誓要將坐近走廊既乘客「西」落地。訓訓下覺既時候，真係醒慢D都會中招。我試過最誇張係朝早搭970過海，架車係可以拋到屁股離開張凳。
• 訓覺挨落人度 - 唔洗多講，但係相比係以上既情況，對我一個麻甩佬黎講已經唔係一個好大既問題

聽覺類

• 大聲講野 - 一字寄之曰：「嘈」，好有衝動大叫：「收嗲啦八婆！我仲要訓架！」
• 細路仔 - 十個細路九個嘈，但係好奇怪，遇著呢種情況我反而唔會想鬧佢，只會怨自己唔好彩。可能因為我細個都係一個好嘈既人，而且對方係細路仔，就算只係心裏面咒罵都唔好意思啦

雖然好想將以上既謾罵衝口而出，但係我最終都會夾硬吞左落肚，雖然偶爾會有反芻之意。

我只係想有一個寧靜既環境，畀我 o係 漫長既長途車途中稍睡片刻，唔通咁都算奢求？

修行從來都是艱苦的，要修成正果就必需有堅強的意志和堅定的決心，並持之以恆。

現在修行的進度停滯不前，看來是時候加大力度，以尋求突破。

幾經波折，終於畀我上網搵到Playstation日版既Rockman X4。適逢巨爵光臨香江，朝早由櫃頂囉返部陳年PS2出黎試game，果然好有懷舊既味道。

回想起第一次玩呢隻game已經係十年前既事，最初只係每個禮拜上我舅父屋企玩Playstation先玩到。直至屋企買左電腦，先至可以真正咁研究。雖然係打爆機，但係因為電腦係由美版移植，所以總係覺得差D(例如每個boss正式開拖之前會講一句日文，但係美版就會冇左；D鬼佬既垃圾配音就更加唔洗多講)。

P.S.僅此一讚PS2既backward compatibility，而之前為左玩隻倉底Rockman X5而買既Playstation save card再次大派用場。